Мюнхеннинг «Бавария» клуби ва Германия терма жамоаси сардори Мануэль Нойер терма жамоа бош мураббийи Ханс-Дитер Флик ҳақида гапирди.
“Ханси ҳар бир футболчига қандай индивидуал мотивация беришни билади. У жуда хушмуомала ва ўйинчилар билан кўп мулоқот қилади.
Унинг аниқ мақсади бор. Мисол тариқасида Лиссабонда бўлиб ўтган 2020 йилги Чемпионлар лигаси финалини олайлик, ўшанда «Бавария» чемпион бўлганди", - дейди дарвозабон.
Эслатиб ўтамиз, Германия терма жамоаси E гуруҳидан жой олди. Германия жамоасининг рақиблари Испания, Япония ва Коста-Рика бўлади.
