Италиялик афсонавий дарвозабон Жанлуижи Буффон ҳозирча фаолиятини якунламоқчи эмас. 44 ёшли Буффоннинг "Парма" билан шартномаси 2024 йилнинг июнигача амал қилади.

“Айни дамда мен майдонда ўйнашдан завқланаман ва ўз вазифамни бажаряпман деб ўйлайман. Мен энди бу даражада ўйнай олмасам ёки ўзимни мотивация қила олмасам, мени ҳаяжонлантирадиган нарсани қилиш ҳақида ўйлайман.

Бу мураббийлик ёки директорлик бўладими, билмайман, ўзингизни тайёрлаш ва ўрганиш учун камтар бўлиш муҳим", - дея Буффоннинг сўзларини келтиради Football Italia.