Германия терма жамоаси бош мураббийи Ханс-Дитер Флик Испания терма жамоаси устози Луис Энрике ҳақида гапирди.
"Испания – буюк футбол давлати, бу йил уларда ажойиб жамоа бор. Мен Луис Энрикени ҳурмат қиламан, чунки у ажойиб мураббий ва ажойиб инсон", — деди Флик Football Espana билан суҳбатда.
Мутахассиснинг сўзларига кўра, Энрике Жаҳон чемпионлиги учун кураша оладиган жанговар жамоа тузган.
Қатарда бўлиб ўтадиган ЖЧ-2022нинг биринчи турида Испания Коста-Рика билан, Германия эса Япония билан ўйнайди. Флик ва Энрике шогирдлари ўртасидаги тўқнашув 27 ноябрь куни иккинчи турда бўлиб ўтади.
