Германия терма жамоаси ҳужумчиси Серж Гнабри Қатарда бўлиб ўтадиган 2022 йилги жаҳон чемпионатидан умидлари билан ўртоқлашди.
“Мен учун жаҳон чемпионатида ўйнаш янгилик, шунинг учун бироз асабийлашиш бор. Булар болалигингизда телевизорда кўрган ва бир кун ўйнашни орзу қилган ўйинлар. Менимча, бу йил жанубий америкаликлар анча кучли. Бразилия, Аргентина, менимча, улар жуда яхши формада. Европада ҳам барчамиз биладиган кўплаб яхши жамоалар бор.
Мухлисларга қарзимиз бор, айниқса омадсиз ўтган жаҳон чемпионатидан кейин. Биз чемпионликни қўлга киритишни истаймиз, аммо бу осон бўлмаслиги ҳам аниқ, - дея Гнабрининг сўзларини келтиради Donaukure.
Германия жаҳон чемпионатидаги илк учрашувида Японияга қарши майдонга тушади.
