Гана миллий терма жамоаси 2022 йилда Қатарда бўлиб ўтадиган жаҳон чемпионати учун либосни олишни унутиб қўйди, деб хабар бермоқда журналист Марк Шуамо ижтимоий тармоқларда.
Манбага кўра, экипировкалар жаҳон чемпионати ўтказиладиган жойга почта орқали жўнатилади. Бироқ Гана футбол федерацияси миллий терма жамоанинг жаҳон чемпионатидаги дебют ўйинига қадар формалар келмаслигидан хавотирда.
Гана терма жамоаси ЖЧ-2022да Португалия (24 ноябрь), Жанубий Корея (28 ноябрь) ва Уругвай (2 декабрь) билан бир гуруҳда иштирок этади.