Gana milliy terma jamoasi 2022 yilda Qatarda bo‘lib o‘tadigan jahon chempionati uchun libosni olishni unutib qo‘ydi, deb xabar bermoqda jurnalist Mark Shuamo ijtimoiy tarmoqlarda.
Manbaga ko‘ra, ekipirovkalar jahon chempionati o‘tkaziladigan joyga pochta orqali jo‘natiladi. Biroq Gana futbol federasiyasi milliy terma jamoaning jahon chempionatidagi debyut o‘yiniga qadar formalar kelmasligidan xavotirda.
Gana terma jamoasi JCH-2022da Portugaliya (24 noyabr), Janubiy Koreya (28 noyabr) va Urugvay (2 dekabr) bilan bir guruhda ishtirok etadi.