Элдор Шомуродов билан "Женоа" таркибида бирга ўйнаган Доменико Кришито футболчилик фаолиятини якунлаганини эълон қилди.
"Бу ажойиб олти ой учун катта раҳмат, "Торонто". Мен ва оилам ушбу ажойиб шаҳарда вақт ўтказдик. Биринчи кунданоқ биз ўзимизни шу улуғвор оиланинг бир қисмидек ҳис қилдик.
Ўз ватанимга қайтиб, келажакда нима қилишим ҳақида ўйлаш вақти келди” - деди 35 ёшли “Торонто” ҳимоячиси.
2011 йилдан 2018 йилгача Кришито "Зенит" сафида ўйнаган, у билан икки марта Россия чемпионати ва Суперкубогини, шунингдек, бир марта Россия кубогини қўлга киритган.
Футболчи Италия терма жамоаси, "Ювентус" ва "Женоа" каби жамоалардаги ўйинлари билан ҳам танилган.
