Eldor Shomurodov bilan "Jenoa" tarkibida birga o‘ynagan Domeniko Krishito futbolchilik faoliyatini yakunlaganini e’lon qildi.
"Bu ajoyib olti oy uchun katta rahmat, "Toronto". Men va oilam ushbu ajoyib shaharda vaqt o‘tkazdik. Birinchi kundanoq biz o‘zimizni shu ulug‘vor oilaning bir qismidek his qildik.
O‘z vatanimga qaytib, kelajakda nima qilishim haqida o‘ylash vaqti keldi” - dedi 35 yoshli “Toronto” himoyachisi.
2011 yildan 2018 yilgacha Krishito "Zenit" safida o‘ynagan, u bilan ikki marta Rossiya chempionati va Superkubogini, shuningdek, bir marta Rossiya kubogini qo‘lga kiritgan.
Futbolchi Italiya terma jamoasi, "Yuventus" va "Jenoa" kabi jamoalardagi o‘yinlari bilan ham tanilgan.
