"Тоттенхэм" клуби Мёнхенгладбахнинг "Боруссия" клуби ва Франция терма жамоаси ҳужумчиси Маркус Тюрамга қизиқиш билдирмоқда, дея хабар беради Express.
Манбанинг хабарига кўра, инглиз клуби футболчини қишки трансфер ойнасида ёки келаси ёзда сотиб олиш вариантини кўриб чиқмоқда. Олдинроқ ҳужумчи "Бавария" манфаатлари доирасида экани хабар қилинганди. Тюрамнинг ўйини Франция терма жамоаси бош мураббийи Дидье Дешамни ҳайратда қолдирди ва уни ЖЧ-2022 учун терма жамоага киритди.
25 ёшли Тюрам жорий мавсумда “Боруссия” сафида барча турнирларда 17 та ўйинда майдонга тушиб, 13 та гол урди ва 4 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
