Европа лигасида ўзбекистонлик футболчилар тўп сураётган клублар учтага етди

Нуфузи жиҳатдан кўҳна қитъа клубларининг иккинчи рақамли мусобақаси – Европа лигасида тўп сураётган Ўзбекистон миллий терма жамоасига аъзо футболчилар учинчи босқичга йўл олишди.

Қозоғистоннинг «Актобе» клуби дастлабки икки босқичда жами 4та ўйин ўтказган бўлса, шуларнинг барчасида ўзбекистонлик футболчилар ўз ҳисобига гол ёзиб қўйгани эътиборга молик. Дастлабки босқичда Марат Бикмаевнинг ҳар иккита ўйиндаги 1тадан голи қозоғистонликларни иккинчи босқичга олиб чиққан бўлса, бу сафар Тимур Кападзе сафардаги, Александр Гейнрих эса Қозоғистондаги ўйинда «Актобе» жонига оро киришди.

Иккинчи босқични «Актобе» сафарда Молдованинг «Милсами» клубига қарши ўйин билан бошлаб, 2:4 ҳисобида имкониятни бой берганди. Учрашувда ҳисобни Тимур Кападзе очганига қарамай, якунда мезбонлар муваффақият қозонишган.

Қозоғистонда бўлиб ўтган жавоб беллашувида «Актобе» йирик – 3:0 ҳисобида зафар қучди. 39-дақиқага келиб ўйинда ҳисоб очилган бўлса, 50-дақиқада Александр Гейнрих ўз клубини навбатдаги босқичга олиб чиқадиган голга муаллифлик қилди. Ва ниҳоят 90-дақиқада молдовалик футболчилар ўз дарвозаларига йўл топишди.

Қайд этиш керак, мазкур беллашувда Ўзбекистон миллий терма жамоасининг уч нафар аъзоси одатдаги каби асосий таркибда ҳаракат қилди. Триодан Тимур Кападзе ўйинни тўлиқ ўтказган бўлса, Марат Бикмаев 70, Александр Гейнрих 78-дақиқада ўз ўрнини бошқа футболчига бўшатиб берди.

Ўзбекистон миллий терма жамоасининг етакчи футболчиси Одил Аҳмедов ҳаракат қиладиган «Анжи» Евролиганинг иккинчи босқичидан ўз иштирокини бошлаганди ва учинчи босқичга йўл олиш Гуус Хиддинк шогирдларига катта қийинчилик туғдирмади. Дастлабки ўйинни «Сатурн» стадионида Венгриянинг «Гонвед» клубига қарши ўтказган маҳачқалъалик футболчилар Жусилейнинг ягона голи эвазига минимал ҳисобда ғалаба қозонишганди. Венгрияда бўлиб ўтган жавоб ўйинида эса «Анжи» йирик ҳисобда ютди – 4:0. 7-дақиқада Самуэль Это‘О меҳмонларни олдинга олиб чиққанидан кейин Аҳмедовнинг таъбири билан айтганда ўйин анча осон кечган. Иккинчи бўлимнинг 7-дақиқасида Траоре ўз номини таблога ёздирди. 68-дақиқада Шатов мавсумдаги илк голини киритган бўлса, 81-дақиқага келиб Это‘О дублини расмийлаштирди. Одатдаги каби Аҳмедов ўйинни асосий таркибда бошлаб, майдонда тўлиқ ҳаракат қилди.

Европа лигасининг учинчи босқичидан эътиборан ўзбекистонлик футболчилар тўп сураётган жамоалар сони учтага етади. Иккинчи босқични муваффақиятли якунлаган «Актобе» ва «Анжи» клублари қаторига Киевнинг «Арсенал» клуби ҳам қўшилади. Сир эмаски, «тўпчилар» сафида Максим Шацких тўп суради.

Учинчи босқичда шунингдек, Италиянинг «Интер», Испаниянинг «Атлетик» (амалдаги финалчи), Англиянинг «Ливерпуль», Франциянинг «Марсель» каби кўзга кўринган жамоалари мусобақага қўшилади. Бу босқичда «Актобе» 2 август куни Бельгияда «Генк» меҳмони бўлса, «Анжи» Россияда Голландиянинг «Твенте» клубини қабул қилади. «Арсенал» ва Словениянинг «Мура-05» клублари Киевда тўқнаш келишади. Жавоб беллашувлари 9 август санасига тайин қилинган.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Европа лигасида ўзбекистонлик футболчилар тўп сураётган клублар учтага етди

ЭНГ КЎП ЎҚИЛГАН ЯНГИЛИКЛАР