"Бавария" ҳужумчиси Эрик-Максим Чупо-Мотинг маоши оширилиши шарти билан клуб билан янги шартнома имзолашга тайёр, деб хабар беради Bild.
Чупо-Мотингнинг "Бавария" билан амалдаги шартномаси мавсум охиригача амал қилади. Футболчининг ҳозирги маоши йилига 3,5 миллион еврони ташкил қилади.
Олдинроқ мюнхенликлар футболчига бонуслар билан бирга йилига тахминан 5 миллион евро ишлаб олиши мумкин бўлган шартнома таклиф қилиши ҳақида хабар берилганди.
Камерунлик ҳужумчи жорий мавсумда “Бавария” сафида 16 та ўйинда майдонга тушиб, 11 та гол урди ва 3 та голга ассистентлик қилди.
