"Манчестер Юнайтед" ҳужумчиси Криштиану Роналду "The Sun" нашрига берган интервьюсида Лионель Месси ҳақидаги саволларга ҳам жавоб берди.

– ЖЧ-2022 финалида Португалия ва Аргентина терма жамоалари тўқнаш келиш ғоясига фикрингиз қандай? Сиз 2та, Месси 2та гол уради ва 94-дақиқада сиз учинчи голни уриб, мусобақа ғолибига айланасиз. Шундай орзу борми?
– Бу орзу қилиш учун ҳам ҳаддан ташқари яхши ғоя. Голни бошқа ўйинчи, ҳаттоки дарвозабон урса ҳам, мен дунёдаги энг бахтли инсон бўламан. Агар сиз айтган воқеа юз берса, мен футболчилик фаолиятимни дарҳол якунлайман. Юз фоиз.

Месси ҳақида фақат илиқ фикрларни билдиришим мумкин. У барчасини футбол учун қилмоқда.

– Ўзингизни ҳисобга олмаганда, Месси сиз кўрган футболчилар орасида энг яхшисими?
– ЎЙлашимча, ҳа. У, Зидан... Менга қарши ўйнаган футболчилар орасида, у энг яхшиси.

– У билан бирга кечки овқатни тановвул қилганмисиз?
– Ҳеч қачон.

– Буни истармидингиз?
– Нима учун йўқ? Мен инсонлар билан учрашишни, ғоялар билан ўртоқлашишни, қандайдир янгиликдан хабардор бўлишни яхши кўраман. Буни бажонудил қилган бўлардим.