“Интер” ҳимоячиси Дензел Думфрис фаолиятини “Арсенал”да давом эттириши мумкин, дея хабар беради Goal.com.
Нашрнинг ёзишича, инглиз клуби раҳбарияти футболчига қизиқиш билдирмоқда. Лондонликлар бунинг учун тахминан 35 миллион евро тўлашга тайёр.
26 ёшли нидерландиялик футболчи 2021 йилдан буён “Интер” сафида тўп суради. Ҳимоячининг италияликлар билан амалдаги шартномаси 2025 йилнинг ёзига қадар мўлжалланган. Transfermarkt порталига кўра футболчининг нархи 28 миллион еврога баҳоланмоқда.
Жорий мавсумда Думфрис “Интер” сафида барча мусобақаларда 20 та ўйинда майдонга тушиб, 2 та гол урди ва 3 та голли узатмани амалга оширди.
