"Малага" бош мураббийи Мануэль Пеллигрини жамоа яримҳимоячиси Санти Касорланинг "Арсенал"га 15,6 миллион фунтга сотилиши ҳақидаги Британия ОАВ тарқатган хабарларни инкор қилди.
"Бизга ўйинчиларимиз учун таклифлар келиб тушмоқда. Ҳа, Касорла учун 15,6 миллион фунт таклиф қилишди. Аммо биз уни бу суммага сотмоқчи эмасмиз! Биз чемпионлар лигасига интиляпмиз, шунинг учун бундай футболчиларимизни сотиб юбормаймиз", - дея Пеллегринининг сўзларини келтиради "Малага" клуби расмий сайти.
Ўтган мавсумда Касорла "Малага" сафида 42та ўйин ўтказиб, 9та гол урган ва 8та голга сабаб бўлган узатмалар берган.
