Аргентина терма жамоаси ҳужумчиси Лионель Месси миллий терма жамоасининг Доҳадаги машғулотларини ўтказиб юборди. 35 ёшли футболчи спорт залида якка тартибда ишлаган, аммо бу ҳеч қандай жароҳат билан боғлиқ эмас. Бу ҳақда Marca хабар бермоқда. Анхель Ди Мария, Родриго де Пауль ва Леандро Паредес ҳам умумий машғулотда иштирок этишмади.
Лионель Месси учун Қатардаги турнир фаолиятидаги бешинчи турнир бўлади. 2014 йилда у бошчилигидаги терма ЖЧ финалига қадар етиб борган ва Германияга мағлуб бўлган (0:1, қўшимча вақт). Умуман олганда, Месси жаҳон чемпионатларида 19 та ўйинда қатнашиб, ўз ҳисобига 6 та гол ва 5 та голли узатмани ёздириб қўйган.
Жаҳон чемпионати 20 ноябрдан 18 декабрга қадар бўлиб ўтади. Аргентина "C" гуруҳида Саудия Арабистони, Мексика ва Польша билан ўйнайди.
