Польша терма жамоаси ва “Барселона” ҳужумчиси Роберт Левандовски Қатардаги жаҳон чемпионатидан кейинги режалари ҳақида ўз фикрлари билан ўртоқлашди.
“Бўлажак жаҳон чемпионати футболчилик фаолиятимдаги сўнггиси бўладими ёки йўқми, билмайман, лекин мен бунга охиргисидек тайёрланяпман. Жисмоний жиҳатдан мен жуда яхшиман, лекин футболнинг келажагига нафақат спорт омиллари таъсир қилади. Турнирга тайёргарлигимиз қандай кечаётгани менга ёқади”, - дея Польша терма жамоаси етакчисининг сўзларини келтиради ТМW.
22 ноябрь куни польшаликлар жаҳон чемпионати гуруҳ босқичининг 1-турида Мексикага қарши баҳс олиб боради.
