Лондоннинг “Челси” клуби франциялик ярим ҳимоячи Нголо Канте билан хайрлашишга қарор қилди. Бу ҳақда La Republica журналистлари хабар бермоқда.
ОАВ хабарига кўра, инглиз клуби раҳбарияти 31 ёшли ярим ҳимоячини сотишдан 18 миллион фунт (~ 21 миллион евро) ишлаб олишни кутмоқда. Шу билан бирга томонлар ўртасидаги амалдаги меҳнат шартномаси жорий мавсум охирида якунига етади.
Канте 2016 йилнинг ёзидан бери Лондон жамоасининг шарафини ҳимоя қилиб келмоқда.
Франциялик футболчи Англия Премьер-лигасида жорий мавсумда атиги иккита ўйин ўтказди.