"Манчестер Юнайтед" ҳужумчиси Криштиану Роналду ҳамон "ПСЖ" қизиқишлари доирасида, дея хабар беради журналист Флориан Плеттенберг ўзининг Twitter саҳифасида.

Парижликлар қишда португалияликнинг трансферини амалга оширишга қизиқиш билдиришмоқда, бироқ "ПСЖ" маслаҳатчиси Луис Кампуш таркибни ёшартирмоқчи бўлгани учун эҳтимолий трансфердан хавотирда.

Манбага кўра, Роналдунинг Лиссабон "Спортинг" клубига ўтиши эҳтимоли ҳам бор. Бироқ бу трансфер "МЮ"нинг позицияси ва қарорига боғлиқ.

Олдинроқ Криштиану Роналду Пирс Морганга берган интервьюсида чоғида бир қанча шов-шувли баёнотлар билан чиққан, шундан сўнг инглиз клуби португалиялик юлдуз билан ҳамкорликни тўхтатиш истаги борлиги ҳақида миш-мишлар тарқалган эди.