“Наполи”нинг жанубий кореялик ҳимоячиси Ким Мин Чже Европанинг бир қанча топ-клублари қизиқиш доирасига тушиб қолди. Бу ҳақда инсайдер Акрам Конур ўзининг ижтимоий тармоқларида хабар берди.
Журналистнинг фикрича, кореялик футболчини Туриннинг "Ювентус", Лондоннинг "Тоттенхэм" ва "Манчестер Юнайтед" клублари ўз сафига қўшиб олмоқчи. Шу билан бирга, неаполликлар унинг трансфери бўйича таклифларни январь ойида кўриб чиқишни режалаштирмаяпти.
26 ёшли футболчи ёзги трансфер ойнасида "Наполи"га ўтди. У билан уч йиллик шартнома тузилди. Кимнинг трансфер нархи 35 миллион еврога баҳоланмоқда.
