Мадриднинг “Реал” клуби ва Бельгия терма жамоаси қанот ярим ҳимоячиси Эден Азар ўзининг энг юқори чўққисига қайта олмаслигини тан олди.

Лондоннинг "Челси" жамоасида муваффақиятли йиллардан сўнг бельгиялик ўз позициясида дунёнинг энг яхши ўйинчиларидан бири мақомида "Реал"га 115 миллион евро эвазига ўтди, аммо Мадридда ҳаммаси кўнгилдагидек чиқмади.

“Мен ҳозир 2018 йилда кўрсатган даражамни кўрсата олмайман, руҳий ва жисмонан жуда кўп азоб чекдим. Мен буни тан олишдан уялмайман. 2018 йилда мен, эҳтимол, дунёнинг энг кучли ўнта футболчиси қаторига кирганман”, — деди 31 ёшли футболчи L’Equipe билан суҳбатда.

Азар "қаймоқранглилар" таркибида 72 та ўйин ўтказиб, 7 та гол ва 11 та голли узатмани амалга оширган.