Бразилия терма жамоаси фахрийси Зе Роберто 39 ёшли ҳимоячи Дани Алвешнинг ЖЧ-2022 учун терма жамоага чақирилгани ҳақида фикр билдирди.
"Алвеш ўз устида қаттиқ меҳнат қилмоқда, ҳозир у ажойиб формада. Ўйлайманки, у ўз тажрибаси билан кўплаб янги ўйинчиларга эга жамоага ёрдам беради. Дани футболчилар билан мулоқот қилишда бош мураббий учун яхши кўприк бўлади. Мен бунга аминман”, - дейди Зе Роберто Globo билан суҳбатда.
Бразилия терма жамоаси жаҳон чемпионати гуруҳ босқичида Швейцария, Сербия ва Камерунга қарши баҳс олиб боради.
Жаҳон чемпионати бугун, 20 ноябрь куни бошланади ва 18 декабрда якунланади. Кубокнинг амалдаги соҳиби Франция ҳисобланади.
