Москванинг ЦСКА клуби "Аталанта" қизиқиш билдираётган ҳимоячи Бахтиёр Зайнутдинов билан хайрлашишга тайёр. Бу ҳақда Gazzetta dello Sport хабар бермоқда.
Манбанинг тарқатган хабарига қараганда, "Аталанта" клуби Зайнутдиновни яқин орада жамоани ўзгартириши мумкин бўлган Ханс Хатебуруга ўринбосар сифатида кўрмоқда. Ўз навбатида, ЦСКА ўз футболчиси учун тўрт миллион евро тўлашса, у билан хайрлашишга тайёр эканлигини билдирди.
Жорий мавсумда ҳимоячи москваликлар сафида 18 та ўйинда қатнашди. Бахтиёрнинг амалдаги шартномаси 2025 йилнинг ўрталарига қадар тузилган.
