35 ёшли аргентиналик ҳужумчи Лионель Месси Париждаги мослашуви ҳақида гапирди.
"Мен Парижни кўпроқ ёқтира бошладим, мен бу шаҳарни ўзим учун янги томондан кашф қилдим. Биринчи йилда ҳаётимда жуда кўп ўзгаришлар бўлди. Аммо оғир дамлардан сўнг бу ерда оилам билан бирга эканлигимдан хурсандман. Менга бу жой ёқади", - деди Месси Lequipe билан суҳбатда.
Месси "ПСЖ"га текинга қўшилган эди. Аргентиналик футболчи парижлик гигант билан икки йиллик шартнома имзолади.
Жорий мавсумда Лионель клуб миқёсида 19 та ўйинда майдонга тушиб, 12 та гол урди ва 14 та голли узатмани амалга оширди.
