Канада терма жамоаси ва Мюнхеннинг "Бавария" клуби қанот ҳимоячиси Альфонсо Дэвис Испания чемпионатида ўйнаш имкониятига эга. Бу ҳақда Goal.com портали хабар бермоқда.
Ҳимоянинг чап қанотини кучайтирмоқчи бўлган "Реал" футболчининг трансферига қизиқиш билдирмоқда. "Қироллик клуби" вакиллари Қатарда бўлиб ўтадиган 2022 йилги жаҳон чемпионатида Дэвиснинг ўйинини кузатиб боради. Агар Альфонсонинг трансфери амалга ошса, мадридликлар франциялик Ферлан Менди билан хайрлашади.
22 ёшли Дэвис Мюнхеннинг топ-клуби билан 2025 йилнинг ёзига қадар шартнома имзолаган. Transfermarkt портали унинг нархини 70 миллион еврога баҳоламоқда.
