Аргентина терма жамоаси ва «Манчестер Сити» клуби собиқ ҳужумчиси Серхио Агуэро футбол мураббийи сифатида ишлашдаги қийинчиликлар ҳақида гапирди.
У ҳозирда «шаҳарликлар»ни бошқараётган испаниялик мутахассис Хосеп Гвардиолани мисол қилиб келтирди.
“Мураббий бўлиш осон эмас. Шунчаки Гвардиолага қаранг, у кўп ўйлагани учун кал", - дейди Серхио.
Эслатиб ўтамиз, Агуэро ўтган йили соғлигидаги муаммолар туфайли фаолиятини якунлаганди.
Гвардиола бошчилигида аргентиналик футболчи 2016 йилдан 2021 йилгача ўйнаган. Улар биргаликда уч марта лига чемпиони бўлишди, шунингдек, мамлакат кубогини қўлга киритишди.
