"Реал" ҳимоячиси Эдер Милитао жамоадоши Винисиус Жуниор нима учун Бразилия терма жамоасида захира ўйинчиси эканлигини тушунтиришга уриниб кўрди.
"Винисиус - ажойиб футболчи, аммо жамоада бошқа яхши ўйинчилар ҳам бор", - дея Милитао сўзларини келтирмоқда Маrcа журналисти Марио Картагена.
Эслатиб ўтамиз, ўтган мавсум охирида Винисиус Жуниор Чемпионлар лигаси финалида "Ливерпул"га қарши ўйинда "Реал"га ғалаба келтирган голни урган эди. Олтин тўп учун овоз беришда бразилиялик саккизинчи поғонани эгаллади.
Жорий мавсумда Винисиус Испания чемпионатида 6 та гол ва 3 та голли узатмани амалга оширди.
