Нидерландия терма жамоаси жаҳон чемпионатининг гуруҳ босқичидаги кетма-кет еттита ўйинда ғалаба қозонди.

Қатарда бўлиб ўтган ЖЧ-2022да Нидерландия Сенегал терма жамоасини мағлуб этди (2:0).

Ярим ҳимоячи Коди Гакпо 84-дақиқада, ярим ҳимоячи Дейви Классен асосий вақтга қўшиб берилган 9-дақиқада гол урди. Бу ғалаба жамоанинг жаҳон чемпионатлари гуруҳ босқичидаги кетма-кет еттинчи ғалабаси бўлди.

2010 йил ЖАРда бўлиб ўтган жаҳон чемпионатида Нидерландия Дания (2:0), Япония (1:0) ва Камерун (2:1) терма жамоаларини мағлуб этганди. 2014 йилда Бразилиядаги турнирда жамоа Испания (5:1), Австралия (3:2) ва Чили (2:0) термаларини мағлуб этганди. Нидерландия терма жамоаси 2018 йилда Россияда бўлиб ўтадиган жаҳон чемпионатига чиқа олмаган.