Франция терма жамоаси ярим ҳимоячиси Эдуардо Камавинга ҳужумчи Карим Бенземанинг ҳолати ҳақида гапирди.
“Мен унинг машғулотларни тарк этганини кўрмадим. У текширувларга борди, лекин аллақачон кеч эди ва биз ҳаммамиз ухлашга ётдик. Эртаси куни эрталаб биз бу хабарни эшитдик. Алам қилади, лекин мақсадимиз ўзгармайди. Тез орада ўйинимиз бор ва агар диққатимизни унга қаратмасак, биз учун қийин бўлиши мумкин.
Кечқурун биз унинг ўйнамаслигини билардик - лекин у буни бизга айтолмади. Карим эрта тонгда жўнаб кетди. Шундан сўнг мен унга хабар юбордим. У турнирни ўтказиб юборишидан ғазабланди", - дея Камавинга сўзларини келтиради L'Equipe.
