Таниқли ҳакам, ҳозирда ФИФА ҳакамлар қўмитаси раиси Перлуиджи Коллина Қатардаги жаҳон чемпионати ўйинларида ҳакамлар нега вақтни шунчалик кўп қўшишини тушунтириб берди.
“Ҳатто Россияда ҳам биз компенсацияланган вақтга кўпроқ эътибор қаратганмиз. Энди захира ҳаками ишорани кўтарса, 6-8 дақиқа компенсация бўлса, ҳайрон бўлмаслик керак", - дея Коллинанинг сўзларидан иқтибос келтиради Football Italia.
Коллина шуни мисол келтирдики, учта голли ўйинда битта голни нишонлаш учун бир-бир ярим дақиқа вақт кетади. Натижада беш-олти дақиқалик ўйин вақти бой берилади.
