"Милан" ҳужумкор ярим ҳимоячи Браим Диаснинг ўйинидан мамнун. Италия А серияси гигантида 23 ёшли футболчини “Реал”дан сотиб олиш имконияти бор, аммо “россонерилар” 22 миллион евро тўлашга тайёр эмас. Бу ҳақда AS ўз саҳифаларида ёзмоқда.
Қайд этилишича, агар "Милан" Браим Диасни сотиб олиш вариантини амалга оширса, "Реал" футболчини 26 миллион еврога қайтариб сотиб олиши мумкин бўлади. Бу ҳақда клублар ўртасидаги шартномада ҳам банд кўрсатилган.
Браим Диас миланликлар сафида жами 96 та расмий ўйин ўтказган. Уларда ярим ҳимоячи 15 та гол урди ва шерикларига 9 та голли узатма берди.
