"Лестер" ярим ҳимоячиси Жеймс Мэддисон Англия терма жамоасининг навбатдаги машғулотларида иштирок этмади, деб хабар беради Football 365.
Манбага кўра, 25 ёшли футболчи Қатарда бўлиб ўтадиган жаҳон чемпионати бошланишига бир ҳафта қолганида АПЛнинг 16-тури доирасидаги "Вест Хэм"га қарши ўйинда олган тиззасидан жароҳатини тиклашда давом этмоқда (2:0).
Аввалроқ, Мэддисон ЖЧ-2022 1-тури доирасидаги Эронга қарши ўйинда Англия терма жамоасининг ғалабаси (6:2) билан якунланган учрашувни ўтказиб юборганди.
Дастлабки учрашувда 3 очко жамғарган инглизлар “B” гуруҳи турнир жадвалида пешқадамлик қилмоқда. 25 ноябрь куни Англия терма жамоаси АҚШ билан ўйнайди. Ўйин Тошкент вақти билан 23:59да бошланади.
