Криштиану Роналду "Манчестер Юнайтед"ни тарк этганига муносабат билдирди.
Бугун Португалия терма жамоаси ва клуб ҳужумчиси томонларнинг ўзаро келишувига кўра шартномани бекор қилди.
"МЮ" билан музокаралардан сўнг биз шартномани муддатидан олдин бекор қилишга келишиб олдик.
Мен "Манчестер Юнайтед"ни ва унинг мухлисларни яхши кўраман - бу ҳеч қачон ўзгармайди. Шу билан бирга, мен учун янги вазифани излаш вақти келганини ҳис қиляпман.
Жамоага мавсумнинг иккинчи қисмида ҳам, келажакда ҳам муваффақиятлар тилайман”, - деди 37 ёшли португалиялик футболчи.
Олдинроқ Криштиану шов-шувли интервью бериб, "Манчестер Юнайтед" раҳбарияти ва бош мураббий Эрик тен Хагни танқид қилган эди.
Роналду жорий мавсумда “Юнайтед” сафида 16 ўйинда 3 та гол урди ва 2 та голли узатмани амалга оширди.
