Бельгия терма жамоаси бош мураббийи Роберто Мартинес жамоа ҳужумчиси Ромелу Лукаку ўзини қандай ҳис қилаётгани ҳақида гапирди.
"Интер" ҳужумчиси жароҳатидан тўлиқ фориғ бўлмагани учун жаҳон чемпионати гуруҳ босқичининг 1-турида Канада термасига қарши ўйинни ўтказиб юборади.
"Рўйҳатимиздаги 25 нафар футболчи ажойиб жисмоний ҳолатда, фақат Лукаку муаммога дуч келди" - деди Мартинес ўйинолди матбуот анжуманида.
"Аммо биз унинг тикланиш жараёнида эришган ютуқларидан мамнунмиз. Бироқ, Ромелу иккинчи ёки учинчи тургача у идеал формасига кела оладими ёки йўқми, буни ҳозирча айта олмайман", - дея қўшимча қилди Бельгия терма жамоаси устози.