400 метрга эркин сузиш бўйича Пекин олимпиадаси ғолиби Жанубий Корея вакили Парк Тай Хван бугун эрталаб ўтказилган саралаш баҳсларида энг яхши натижани қайд этиб финалга йўл олган эди. Аммо, ҳакамлар уни фальстарт қайд этди дея топган ва финал мусобақасида иштирок этишдан четлатган эдилар.
Аммо, кореялик сузувчи бу қарорга нисбатан апеляция берган ва унинг натижасини кутаётган эди. Сўнгги олинган хабарларга кўра, Парк Тай Хван ушбу апеляцияни ютиб чиқди ва финал баҳсида сузадиган бўлди.
Эрталабки саралаш баҳсларини кўриб чиққан комиссия аъзолари кореялик сузувчини қоидани бузмаган деб топди ва унга финалда иштирок этишга руҳсат беришди.
Эндиликда 400 метрга сузиш мусобақасининг асосий фаворитларидан бири финалга тайёргарчилик кўрмоқда.
Эслатиб ўтамиз, 400 метрга эркин усуслда сузиш мусобақасининг финали бугун Тошкент вақти билан 23:00 да бошланади.
