Мадриднинг "Реал" клуби ярим ҳимоячиси Марко Асенсио нима учун ёзда "қироллик клуби”ни тарк этмаганини тушунтирди. Футболчи атрофида "Милан" ёки Лондоннинг "Арсенал" клубига ўтиши ҳақида кўп миш-мишлар тарқалган эди.

"Анчелотти менга ишонч билдиришини кўрсатди. Бу мени қолишга қарор қилган асосий омил эди. Карло мени шу ёзда кетмаслигимга ишонтирди", - деди Асенсио Испания терма жамоаси билан ўтказилган матбуот анжуманида.

Энди Марконинг "Реал" билан шартномаси тугашига саноқли ойлар қолди. Унинг шартномаси мавсум охирида тугайди, шунинг учун у ёзда эркин агентга айланиши мумкин. Шу билан бирга, Асенсио "қироллик клуби" билан ҳамкорликни узайтиришини ҳам инкор этмаслик керак.