Madridning "Real" klubi yarim himoyachisi Marko Asensio nima uchun yozda "qirollik klubi”ni tark etmaganini tushuntirdi. Futbolchi atrofida "Milan" yoki Londonning "Arsenal" klubiga o‘tishi haqida ko‘p mish-mishlar tarqalgan edi.
"Anchelotti menga ishonch bildirishini ko‘rsatdi. Bu meni qolishga qaror qilgan asosiy omil edi. Karlo meni shu yozda ketmasligimga ishontirdi", - dedi Asensio Ispaniya terma jamoasi bilan o‘tkazilgan matbuot anjumanida.
Endi Markoning "Real" bilan shartnomasi tugashiga sanoqli oylar qoldi. Uning shartnomasi mavsum oxirida tugaydi, shuning uchun u yozda erkin agentga aylanishi mumkin. Shu bilan birga, Asensio "qirollik klubi" bilan hamkorlikni uzaytirishini ham inkor etmaslik kerak.
