Лондоннинг "Арсенал" клуби ҳужумчиси Андрей Аршавин келгуси фаолиятини премьер-лиганинг бошқа бир жамоаси "Ньюкасл"да давом эттириши мумкин.
Англиянинг бир қатор футбол нашрларининг хабар беришича, "Ньюкасл" янги мавсум бошлангунича россиялик футболчини ўз сафига қўшиб олишга ҳаракат қилмоқда.
Футболчининг "Арсенал" билан амалдаги шартномаси 2013 йилнинг ёз ойида тугаши кўзда тутилган. Аммо, лондонликлар бош мураббийи Арсен Венгер Аршавинни ёзги трансфер мавсуми пайтидаёқ сотиб юборишни мўлжаллаб турибди.
Таъкидлаш жоиз, россиялик футболчига "Ньюкасл"дан ташқари яна "Фулҳэм" клуби ҳам жиддий қизиқмоқда.