Криштиану Роналду Ганага (3:2) қарши ЖЧ-2022 учрашувининг энг яхши футболчиси деб топилди.
Португалия терма жамоаси сардори гуруҳ босқичининг 1-тури ўйинида 65-дақиқада пенальтини аниқ амалга ошириб, ҳисобни очди.
Бу ўйинда 37 ёшли ҳужумчи бешта мундиалда гол урган тарихдаги биринчи футболчига айланиб, рекорд ўрнатди.
Роналду шунингдек, еттинчи марта ўйиннинг энг яхши одами деб топилди, бу ҳам жаҳон рекордидир.
“Ўйиннинг энг яхши футболчиси” мукофоти 2002 йилдан бери жаҳон чемпионатларида топширилиб келинмоқда. Лионель Месси ва Арьен Роббен Криштианудан битта соврин ортда қолмоқда (ҳар бирида олтитадан соврин бор).
