Португалия терма жамоаси сўнгги 16 йил ичида илк бор жаҳон чемпионатини ғалаба билан бошлади.
Мураббий Фернанду Сантуш жамоаси ЖЧ-2022 гуруҳ босқичи 1-турида Ганани мағлуб этди (3:2).
Бунгача португаллар 2006 йилги жаҳон чемпионатининг очилиш ўйинида сўнгги бор ғалаба қозонишган - ўшанда улар Анголани мағлуб этган (1:0). Ўша турнирда Португалия якунда ярим финалга чиқди ва у ерда Францияга мағлуб бўлди.
Бунгача Португалия терма жамоаси жаҳон чемпионати стартида яна икки марта ғалаба қозонган: 1986 йилда (натижа гуруҳдан чиқмаган) ва 1966 йилда (ярим финалга чиққан).
