Лондоннинг "Челси" клуби "Уиган" ҳужумчиси Виктор Мозес учун аввал таклиф қилинган 6 миллион фунтлик таклифни яна 3 миллионга оширганини эълон қилди. Лондонликлар истеъдодли ҳужумчи учун эндиликда 9 миллион фунт тўлашга тайёр туришибди.
Таъкидлаш жоизки, "Челси"нинг бундан олдинги учта таклифи "Уиган" раҳбарияти томонидан рад этилган эди. Аввалроқ "Челси" Мозес учун "Уиган"га 6 миллион фунт ҳамда ҳужумчи Ромелу Лукакуни ижарага қўшиб беришни таклиф қилишганди, аммо бу таклифлар рад этилган.
Эндиликда, "Кўклар" "Уиганг"а 9 миллион фунтга қўшиб Ромелу Лукаку ҳамда Жош Макикранни ижарага бериш шартини таклиф этишган.
"Уиган" президенти, Дейв Уилан Виктор Мозеснинг трансферини 10 миллион фунтдан камига сотмоқчи эмас.
