Англия терма жамоаси ҳужумчиси Харри Кейн ЖЧ-2022 гуруҳ босқичининг 2-тур учрашувида АҚШ билан дуранг (0:0) ҳақида фикр билдирди.
“Бу энг яхши ўйинимиз бўлмади. Тўпга яхши эгалик қилдик, аммо вазиятларни якунлашда қийналдик. Эрон билан ўйиндан фарқли равишда жамоа бир-бирини яхши тушунмади. Бизда икки-учта имконият бўлди, аммо улардан фойдалана олмадик. АҚШ яхши прессинг ўтказди ва қийинчиликлар яратди.
Биз яхшироқ ўйнашимиз мумкинлигини биламиз, Жаҳон чемпионатидаги дуранг - ёмон натижа эмас. Бу ердаги бирорта ўйин осон кечмайди. Биринчи учрашувимиздан кейин одамлар биз ҳаммани мағлуб этамиз деб ўйлашади, аммо бу турнир ундай эмас", - дея Кейн сўзларини келтирган BBC.
