Франция терма жамоаси Қатардаги жаҳон чемпионати гуруҳ босқичининг 2-тур учрашувида Данияни 2:1 ҳисобида мағлуб этди.
Дарвозабон Уго Льорис ва ҳужумчилар Антуан Гризманн ҳамда Оливье Жиру жаҳон чемпионатида 10 дан ортиқ ўйинда ғалаба қозонган биринчи француз футболчиларидир (ҳар бирида 11 та).
Франция 6 очко билан “D” гуруҳида биринчи ўринни эгаллаб турибди. Шунингдек, "уч ранглилар" жаҳон чемпионатининг плей-офф босқичига йўлланмани қўлга киритган биринчи жамоа бўлди.
Франция терма жамоаси XXI асрда амалдаги жаҳон чемпиони мақомида гуруҳдан чиқишга муваффақ бўлган биринчи Европа жамоаси бўлди.
