Франция терма жамоаси ЖЧда ғолиб чиқса, Карим Бензема ҳам турнир медалини олади.
Эслатиб ўтамиз, "Реал" ҳужумчиси 2022 йилги жаҳон чемпионати стартига тайёргарлик кўраётган вақтда машғулотларда жароҳат олган эди. Форвард терма жамоа жойлашган жойини тарк этишга мажбур бўлди.
ФИФА французлар Бензема ўрнига футболчи чақирмагани учун Карим расман қайдномада қолганини айтди. Шу боис, Франция терма жамоаси турнирда ғолиб чиқса, уларга Франция футбол федерацияси томонидан футболчилар ўртасида тақсимланадиган 26 та медаллар жамланмаси топширилади.
Франция терма жамоаси Австралия (4:1) ва Дания (2:1) устидан қозонилган ғалабадан сўнг гуруҳдан чиқиш йўлланмасини кафолатлади. Дидье Дешам шогирдлари 6 очко билан “D” гуруҳида пешқадамлик қилмоқда.
