"Барселона" ўз тарбияланувчиси Алехандро Бальде билан шартномани узайтирмоқчи, дея хабар беради журналист Фабрицио Романо.
Испания клуби Бальдега маоши оширилган янги беш йиллик шартнома таклиф қилмоқчи. Шунингдек, ёш футболчининг шартномасидаги товон пули 1 миллиард еврога етиши мумкинлиги қайд этилган.
Бальде ва каталонияликлар ўртасидаги амалдаги келишув 2024 йил июнь ойи охиригача амал қилади. Transfermarkt Испания терма жамоаси футболчисининг нархини 15 миллион еврога баҳоламоқда.
19 ёшли ҳимоячи жорий мавсумда “Барселона” сафида 16 та ўйинда майдонга тушиб, 3 та голли узатмани амалга оширган.
