Испания терма жамоаси бош мураббийи Луис Энрике Қатарда бўлиб ўтаётган жаҳон чемпионатида Германияга қарши ўйин (1:1) ҳақида фикр билдирди.
Эслатиб ўтамиз, испанлар биринчи бўлиб Алваро Моратанинг голи эвазига рақиб дарвозасини ишғол қилишганди, аммо ўйин охирига келиб немислар ҳисобни тенглаштиришди. Никлас Фюллкруг ажойиб ўйин кўрсатди.
“Ўйинни кейинчалик кўрганимда, ҳозирдан кўра кўпроқ завқ олишимга ишончим комил. Агар бизга Жаҳон чемпионатида икки турдан кейин гуруҳда биринчи бўламиз ва плей-оффга чиқишимиз учун дуранг ҳам кифоя қилади, дейишса, мен бунга рози бўлардим", - дейди Энрике.
