Марокаш терма жамоаси бош мураббийи Валид Реграганинг хабар беришича, ярим ҳимоячи Софьян Амрабат жаҳон чемпионатидан кейин Европанинг топ-клубига ўтиши мумкинлигини айтди.
“Амрабат жаҳон даражасидаги футболчи. Менинг схемамдаги асосий ўйинчи. Умид қиламанки, жаҳон чемпионатидан сўнг у Европанинг топ клубларидан бирига йўл олади", - деди Валид Реграга.
Софьян Амрабат 26 ёшда. Марокашлик футболчи А Серияда “Фиорентина”да ўйнайди.
Эслатиб ўтамиз, 27 ноябрь куни Марокаш терма жамоаси Қатарда Бельгия терма жамоасини сенсацион тарзда мағлуб этганди - 2:0. Африкаликлар тўрт очко билан F гуруҳида иккинчи ўринда бормоқда. Ҳал қилувчи турда Канада термаси билан ўйнайди.
