Испания терма жамоаси бош мураббийи Луис Энрике Қатарда бўлиб ўтган жаҳон чемпионатида Германияга қарши ўйин (1:1) ҳақида фикр билдирди.
Эслатиб ўтамиз, испанлар биринчи бўлиб Альваро Моратанинг голи эвазига рақиб дарвозасини ишғол қилишган, аммо ўйин охирига келиб немислар ҳисобни тенглаштиришди.
"Ўйинни такроран кўрсам, ҳозиргидан кўра кўпроқ завқ олишимга ишончим комил. Агар бизга Жаҳон чемпионатида иккинчи турдан кейин гуруҳда биринчи ўринда бўламиз ва плей-оффга чиқишимиз учун дуранг ҳам кифоя қилади, дейишса, мен бунга рози бўлардим", - дея Энрикенинг сўзларидан иқтибос келтирмоқда Marca нашри.
Энрике Испания биринчи бўлимда яхшироқ кўринганини қўшимча қилди. Ўйин давомида жамоада испанлар Германияга кўпроқ муаммо туғдириши мумкинлигига ишонч етишмади.
“Қизил фурия”нинг плей-офф босқичига чиқиш учун ҳатто Япония термаси билан дуранг ҳам кифоя қилади. Аммо Энрикенинг фикрича, унинг жамоаси мухлисларни ғалаба билан хурсанд қилиш учун ҳамма нарсани қилади. Учрашув 1 декабрь куни бўлиб ўтади. Коста-Рика ва Германия терма жамоалари параллел равишда ўйнайди.
