Ispaniya terma jamoasi bosh murabbiyi Luis Enrike Qatarda bo‘lib o‘tgan jahon chempionatida Germaniyaga qarshi o‘yin (1:1) haqida fikr bildirdi.
Eslatib o‘tamiz, ispanlar birinchi bo‘lib Alvaro Morataning goli evaziga raqib darvozasini ishg‘ol qilishgan, ammo o‘yin oxiriga kelib nemislar hisobni tenglashtirishdi.
"O‘yinni takroran ko‘rsam, hozirgidan ko‘ra ko‘proq zavq olishimga ishonchim komil. Agar bizga Jahon chempionatida ikkinchi turdan keyin guruhda birinchi o‘rinda bo‘lamiz va pley-offga chiqishimiz uchun durang ham kifoya qiladi, deyishsa, men bunga rozi bo‘lardim", - deya Enrikening so‘zlaridan iqtibos keltirmoqda Marca nashri.
Enrike Ispaniya birinchi bo‘limda yaxshiroq ko‘ringanini qo‘shimcha qildi. O‘yin davomida jamoada ispanlar Germaniyaga ko‘proq muammo tug‘dirishi mumkinligiga ishonch yetishmadi.
“Qizil furiya”ning pley-off bosqichiga chiqish uchun hatto Yaponiya termasi bilan durang ham kifoya qiladi. Ammo Enrikening fikricha, uning jamoasi muxlislarni g‘alaba bilan xursand qilish uchun hamma narsani qiladi. Uchrashuv 1 dekabr kuni bo‘lib o‘tadi. Kosta-Rika va Germaniya terma jamoalari parallel ravishda o‘ynaydi.
