Бугун, 28 ноябрь куни Қатарда бўлиб ўтаётган жаҳон чемпионати гуруҳ босқичининг 2-тур учрашуви бўлиб ўтди ва унда Гана терма жамоаси Жанубий Кореяни 3:2 ҳисобида мағлуб этди. Африка термасидаги иккита голга ярим ҳимоячи Муҳаммад Кудус муаллифлик қилди. Opta Sport статистик портали маълумотларига кўра, футболчи Гана терма жамоаси тарихида жаҳон чемпионати учрашувида дубль қайд этишга муваффақ бўлган биринчи футболчи бўлди.
Учрашувнинг 34 ва 68-дақиқаларида Кудус гол урди. Ганалик футболчининг сўнгги голи жамоасига қийин кечган учрашувда ғалаба тақдим этди.
Жорий мавсумда ганалик футболчи "Аякс" сафида 21 та ўйин ўтказиб, 10 та гол ва 2 та голли узатмани амалга оширди.
