Уругвай терма жамоаси устидан қозонилган ғалаба Португалия терма жамоасига жаҳон чемпионатларида рекорд ўрнатиш имконини берди.
Шундай қилиб, Фернандо Сантуш шогирдлари кетма-кет саккизта ўйинда мундиалларда гол урмоқда.
Серия 2014 йилда АҚШ жамоаси билан баҳсда (2:2) бошланган. Португалларнинг жаҳон чемпионатидаги сўнгги голсиз ўйини Бразилиядаги жаҳон чемпионати стартида Германия терма жамоасидан йирик ҳисобдаги мағлубият пайти содир бўлган (0:4).
Эслатиб ўтамиз, Португалия терма жамоаси уругвайликлар устидан қозонилган ғалаба эвазига Қатардаги жаҳон чемпионатининг плей-офф босқичига йўлланмани қўлга киритди.
«Европалик бразилияликлар» учинчи турда Жанубий Корея термаси билан баҳс олиб боради.
